Alkooli, shkaktar i aksidentit me pesë të vdekur

Vozitësi i makinës ka pasur 1.3 promila alkool në gjak. Sasi të ngjashme kanë pasur edhe katër meshkujt tjerë që po ashtu kanë humbur jetën

Bild: KANTONSPOLIZEI AG

Vazhdojnë të mbeten mister rrethanat në të cilat fundjavën e kaluar në Rheinfelden ka ndodhur aksidenti i rëndë ku në një veturë kanë humbur jetën pesë meshkuj dhe kanë pësuar lëndime dy femra. Ndërkaq prokuroria publike dje ka dalë me një njoftim lidhur me rezultatet e para të hetimeve lidhur me aksidentin.

Sipas këtyre rezultateve del se vozitësi i makinës ka pasur 1.3 promila alkool në gjak. Katër meshkujt tjerë që po ashtu kanë humbur jetën kanë pasur një sasi të ngjashme të alkoolit në gjak sikurse ngasësi.

Dy femrat që kanë shpëtuar ende nuk kanë mundur të merren në pyetje sepse vazhdojnë të jenë në gjendje të rëndë shëndetësore.

.