A do të transferohet Ronaldo te Manchester City?

Cristiano Ronaldo raportohet se po e kërkon transferimin te Manchester City, këto ditë të fundit të afatit kalimtar.

Njoftimi nga Harry Kane se do të qëndrojë te Tottenhami edhe në këtë edicion, ka bërë që gjasat për portugezin që të kalojë te Citizens të rriten.

Lojtari 36-vjeçar po e kërkon me ngulm largimin nga Juventsi, pasi beson se nuk është më një skuadër për të konkurruar për trofe.

Kontrata aktuale e Ronaldos te Zonja e Vjetër skadon në vitin 2022 dhe duket se rrugët e tyre do të ndahen në këtë verë.

Paga e tij e lartë rreth 30 milionë euro në sezon, ka rënduar edhe buxhetin e skuadrës nga Serie A, andaj shitja e tij nuk përjashtohet, shkruan Telegrafi.