Salsiqe falas, për të nxitur vaksinimin: A funksionon kjo te zviceranët?

Në Zvicër ky kompensim - me franga ose tortë - është pak më pak efektiv se ndoshta diku tjetër", thotë Michael Jordi, Sekretar i Përgjithshëm i Konferencës së Drejtorëve Kantonalë të Shëndetit

Task Forca Federale e Koronës ka rekomandon shqyrtimin e stimujve materialë për rritjen e shkallës së vaksinimit.

Po ashtu, sipas saj më shumë njerëz mund të binden për vaksinim duke u falur kuponë, hyrje falas në shfaqje ose aktivitete të ndryshme apo edhe zbritje në transportin publik, shkruan srf.ch. Por kantonet hedhin poshtë këtë metodë dhe preferojnë të mbështeten në kontaktet personale.

Në SHBA, në të ardhmen, të gjithë ata që duan të vaksinohen do të paguhen me nga 100 dollarë. Austria po shqyrton gjithashtu një nxitje financiare për vaksinimin, transmeton albinfo.ch. Por në Zvicër, megjithatë, njerëzit janë kritikë ndaj ideve të tilla.

“Unë mendoj se në Zvicër ky kompensim nga shteti – me franga ose tortë – është pak më pak efektiv se ndoshta diku tjetër”, thotë Michael Jordi, Sekretar i Përgjithshëm i Konferencës së Drejtorëve Kantonalë të Shëndetit.

Goditja në të vërtetë mund të kthehet si bumerang, paralajmëron Jordi – sepse, sipas tij, zviceranët u ndjenë nën presion që nga fillimi i vaksinimit dhe kjo është pikërisht arsyeja pse ata nuk janë vaksinuar në masë të madhe.

Kantonet tani duan të bindin në një mënyrë tjetër, të gjithë ata që ende nuk janë vaksinuar në  domethënë duke mobilizuar personat ekontaktit, ndër të tjera.

Kjo nënkupton që, për shembull, mjeku i përgjithshëm të tregojë përfitimet nga vaksinimi për pacientët e tij ose shefi i kompanisë t`u ofrojë punonjësve të tij mundësinë për t’u vaksinuar, përcjell albinfo.ch. Ose kryebashkiaku të reklamojë favorin e vaksinimit në komunën e tij.

Propaganda gojë më gojë funksionon-edhe në sferën private. “Unë mund të them nga përvoja ime personale se fëmija i mikut tim dëshiron të vaksinohet dhe ishte në gjendje të bindë edhe shokët e tij që ta bëjnë këtë”, thotë Jordi. “Prandaj, ishte ai dhe jo unë që i bindi ata se nga vaksinimi do të përfitonin edhe ata.

---