Koronavirusi: çast pas çasti

A ka gjasa që të lehtësohen masat në Zvicër?

Situata me Covid-19 në Zvicër është përmirësuar që nga fillimi i vitit. Por kjo nuk do të thotë që qeveria së shpejti mund të zbusë masat e mbylljes aktualisht në vend

Zvicra urdhëroi mbylljen e të gjitha bizneseve jo-thelbësore nga 18 Janari në një përpjekje për të frenuar përhapjen e varianteve të reja të koronavirusit nga MB dhe Afrika e Jugut që u zbuluan në vend para Krishtlindjeve.

Zvicra gjithashtu e bëri punën nga shtëpia të detyrueshme në shumicën e rasteve, dhe kufizoi numrin e njerëzve të lejuar për t’u takuar në publik dhe privat në pesë individë.

Këto rregulla të reja ishin një shtesë ndaj kufizimeve të zbatuara tashmë më 18 Dhjetor, të cilat mbyllën të gjitha restorantet dhe baret, si dhe objektet sportive, kulturore dhe të kohës së lire, shkruan The Local, përcjell albinfo.ch.

Masat supozohej të ishin në fuqi deri më 22 janar, por Këshilli Federal vendosi t’i zgjasë ato deri në fund të Shkurtit.

Çfarë është ndryshe tani?

Kur qeveria urdhëroi grupin e parë të kufizimeve, shkalla e infeksioneve në Zvicër ishte pak më shumë se 890 për 100,000 banorë, shkalla e shtrimeve në spital ishte 35 / 100,000 dhe shkalla e vdekjeve u regjistrua në 18 / 100,000.

Shkalla R – një masë e shpejtësisë me të cilën sëmundja po përhapet – ishte mbi 1, që do të thotë se çdo person i infektuar infekton më shumë se një person mesatarisht. Me fjalë të tjera, përhapja e virusit po rritet.

Sidoqoftë, shifrat e botuara nga Zyra Federale e Shëndetit Publik (FOPH) në 14 ditët e fundit paraqesin një pamje tjetër.

Shkalla e infeksioneve ka rënë në rreth 361 për 100,000, shkalla e shtrimeve në spital ka rënë në 12,2 / 100,000, dhe për vdekjet shkalla është 7,2 / 100,000.

Shkalla R ka rënë nën 1 dhe tani qëndron në 0.86, përcjell tutje albinfo.ch.

Duke pasur parasysh progresin që është bërë në frontin epidemiologjik, a ka mundësi që Këshilli Federal të heqë disa nga kufizimet para 28 Shkurtit?

Ndërsa gjërat qëndrojnë tani, duket se nuk ka gjasa.


LAJME INTERESANTE NGA INTERNETI