Futboll

Abrashi rikthehet në Grasshopper

Grasshopper Club Zurich e mirëpret Amir Abrashin përsëri dhe pret që të punojë me të

Kapiteni i kombëtares shqiptare, Amir Abrashi, ka nënshkruar një kontratë dyvjeçare me Grasshopper.

Për Abrashin, ky është një rikthim në Cyrih. Midis 2010 dhe 2015 mesfushori kishte veshur fanellën e kaltër dhe të bardhë dhe kishte 155 paraqitje në GC.

Ndër të tjera, 31-vjeçari ishte një pjesë e rëndësishme e ekipit që fitoi Kupën e Zvicrës më 2013, shkruan albinfo.ch.

Pas GC, Abrashi kaloi gjashtë vjet në SC Freiburg, ku ai luajti në 60 ndeshje në Bundesliga dhe 33 ndeshje në Bundesliga 2. Në gjysmën e dytë të sezonit, kapiteni i ekipit kombëtar shqiptar u huazua te FC Basel 1893. Tani vijon kalimi përsëri në GC.

“Gjithmonë kam dashur të kthehem në GC dhe tani ishte koha e përkryer për të bërë ndërrimin. Jam jashtëzakonisht i lumtur që kthehem në shtëpi!”, tha Amir Abrashi në kthimin e tij në Cyrih.

Grasshopper Club Zurich e mirëpret Amir Abrashi përsëri në Cyrih dhe pret që të punojë përsëri me të.


LAJME INTERESANTE NGA INTERNETI