Shkurt.ch
Aksident i tmerrshëm në Suedi, humbin jetën gjashtë zviceranë
Adelbodeni është në shok pas aksidentit fatal me gjashtë të vdekur në Suedi. Një mik i viktimave ka rrëfyer .
Mbrëmjen e së shtunës, gjashtë zviceranë humbën jetën në një aksident me makinë në Suedinë veriore. Një tjetër person ishte lënduar, shkruajnë mediat zvicerane, përcjell albinfo.ch. Miqtë kanë qenë duke udhëtuar me një minibus, i cili u përplas me një kamion në një vend të rrezikshëm.
Pesë nga gjashtë viktimat dhe të plagosurit janë nga fshati i Berner Oberland, Adelboden, informon më tej albinfo.ch. Komuna u ka dërguar një mesazh “ngushëllimi dhe dhembsurie të përzemërt” familjarëve të viktimave. “Për tërë fshatin, lajmi është një tronditje e madhe”, shkruan Këshilli lokal.
Viktimat, sipas mediave zvicerane, për tre javë kanë qenë për pushime në Norvegji dhe Suedi, ku i kishin vëzhguar dritat polare dhe kanë qenë në skijim. Aksidenti ndodhi gjatë kthimit të të rinjve në Zvicër, përcjell albinfo.ch.
Një mikeshë e pesë viktimave, për “20 Minuten” ka deklaruar: “Është jashtëzakonisht tragjike. Kjo është një humbje e madhe për të gjithë fshatin”. Të rinjtë ishin miq shumë të mirë dhe kishin një banesë apo kasolle në Skandinavi. “Ata shkonin rregullisht për Vit të Ri”, thotë gruaja. Viktimat ishin mesatarisht 25-vjeçarë. “Është jashtëzakonisht tragjike që ata vdiqën kur këtu në Adelboden, në fundjavë po mbahet Kupa e Botës”, tha gruaja, përcjell albinfo.ch.
Organizatorët e Kupës Botërore të Skive heshtën një minutë për viktimat. “Mendimet tona janë me familjet dhe të afërmit”, thotë ajo në një deklaratë. “I shprehim ngushëllimet tona më të thella”.
Të ngjashme
Të tjera nga Shkurt.ch
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë