Aktivitet kulturor kushtuar shkrimtarit të njohur për fëmijë, Bedri Dedja

Nën organizimin e shkollës shqipe në Zyrih të Zvicrës të premten është mbajtur ora letrare kushtuar klasikut të mirënjohur shqiptar për fëmijë, Bedri Dedja.

Foto: Ambasada e Kosovës/Bernë

Në aktivitetin e organizuar në bibliotekën “Pestalozzi“ në Zyrih, folësit e ndryshëm vlerësuan veprën e shkrimtarit, ndërkaq nga nxënësit u recituan pjesë nga poezitë e tij, transmeton Albinfo.ch.

“Shkrimtari i shquar shqiptar për letërsinë për fëmijë, pedagogu, psikologu, historiani i arsimit shqiptar, teoricieni e kritiku i letërsisë për fëmijë, akademiku Bedri Dedja përfaqëson një ndër personalitetet më të spikatur në më shumë se 50 vite në jetën publike shqiptare. Është rasti i emrit që e ka fituar sfidën me jetëgjatësinë për shkak të kontributit të vyer që nuk njeh kohë. Është një autoritet letrar që është shenjuar në historinë e suksesshme të letërsisë për fëmijë”, shkruan ambasada e Shqipërisë në Bern.

Në këtë aktivitet morën pjesë, vajza e shkrimtarit, Edlira Dedja, Konsullja nga Konsullata e Kosovës në Zyrih, Shukrije Ramadani, drejtoresha e shtëpisë botuese “Albasa”, Rita Petro, drejtoresha e bibliotekës “Pestalozzi” në Zyrih, Suela Jorgaqi, nxënës të “Shkollës Shqipe” në Zvicër, koordinatori i kësaj shkolle Vaxhid Sejdiu, si dhe nxënës e prindër.

LAJME INTERESANTE NGA INTERNETI