Bota

Alarmohet Spanja, rrezik për sulm gjatë Krishtlindjeve

Qyteti i Barcelonës, që është bërë edhe më parë objekt i një atentati në vitin 2017, është vënë në gatishmëri të plotë pas një paralajmërimi të autoriteteve amerikane në lidhje me rrezikun e një sulmi terrorist për festat e fundvitit, shkruan  AlsatM, përcjell Albinfo.ch.

‘’Spanja duhet të dëshmojë një kujdes të shtuar në zonat ku ka lëvizje të automjeteve, përfshirë autobusët, në zonën e Ramblas të Barcelonës gjatë Krishtlindjes dhe ditëve të para të Vitit të Ri’’, shkruan zyra për çështjet konsullore e Departamentit amerikan të Shtetit në llogarinë në Twitter.

‘’Terroristë mund të kryejnë një sulm dhe të vënë në shënjestër zona turistike, transportet apo zona të tjera publike’’, shtoi ajo.