Albulena Haxhiu letër drejtuar Ardian Golës për seancën, i kërkon t’ia përcjellë Kryesisë së vjetër

Ushtruesja e detyrës së presidentes së Kosovës, Albulena Haxhiu, e ka caktuar datën 6 gusht për seancën konstituive të Kuvendit të Kosovës.

Lajmin e ka bërë të ditur përmes një konference për media teksa përmes një letre e ka njoftuar nënkryetarin e legjislaturës së kaluar të Kuvendit, Ardian Gola, për këtë vendim dhe i ka kërkuar që të njëjtën t’ia përcjellë edhe Kryesisë së vjetër të Kuvendit, transmeton albinfo.ch.

Kjo, pasi sipas praktikës, Kryesia e vjetër e Kuvendit, pas zgjedhjeve, është përgjegjëse për përgatitjen e seancës konstituive dhe rendit të ditës në të.