Ambasada amerikane vjen me një paralajmërim të fuqishëm para ndeshjes në Beograd

Në faqen zyrtare të Ambasadës amerikane thuhet se rreth 50 mijë tifozë priten të jenë të pranishëm në tribunat e stadiumit.

Ambasada amerikane në Beograd ka lëshuar një paralajmërim të jashtëzakonshëm në prag të ndeshjes mes Crvena Zvezdës dhe Young Boys, e cila zhvillohet me fillim nga ora 21:00 në “Rajko Mitic”.

Në faqen zyrtare të Ambasadës amerikane thuhet se rreth 50 mijë tifozë priten të jenë të pranishëm në tribunat e stadiumit.

Derisa, edhe forca të shumta policore priten të jenë brenda dhe përreth stadiumit, përcjell albinfo.ch. Gjithashtu, është paralajmëruar edhe për trafik në rrugët që dërgojnë drejt stadiumit para ndeshjes.

Paralajmërimi i plotë i Ambasadës së Amerikës:

“Të shmangen zonat rreth stadiumit, të ndiqen mediat lokale për informatat e fundit, shmangia e turmës së tifozëve, të jenë të vetëdijshëm për rrethanat”.

Ndryshe, ndeshja e parë në Bernë përfundoi me rezultat të barabartë 2:2.

---