Lajme
Ambasada serbe në Bernë thotë se ka marrë kërcënim për sulm me bombë
Ende është e paqartë se kush e ka shkruar emailin kërcënues. Por, Gazeta "20 minuten" shkruan se megjithatë ka mundur të kontaktojë dërguesin (!)
Ambasada serbe në Zvicër ka marrë të paktën një letër kërcënuese të dielën. Autori i panjohur ka kërcënuar atë se do të hidhte në erë ambasadën në Bernë.
Sipas ambasadës serbe, dy e-maile të tjerë kërcënues ka marrë ajo të dielën. Ambasada ka njoftuar autoritetet përgjegjëse, përfshirë fedpolin (Policinë Federale).
Është interesante të theksohet se deri më tani këtë lajm, nga mediat zvicerane e kanë dhënë vetëm gazetat “20 Minuten” dhe “20 Minutes” (simotrat, në gjuhën gjermane dhe frënge, të një shtëpie botuese), shkruan albinfo.ch.
Ende është e paqartë se kush e ka shkruar këtë email. Por, Gazeta “20 minuten” megjithatë ka mundur të kontaktojë dërguesin (!), dhe ka marrë përgjigje brenda pak minutash.
Në letër, autori anonim u është referuar tensioneve mes Kosovës dhe Serbisë, shkruan më tutje gazeta. Situata në qytetin verior të Mitrovicës u përshkallëzua atje të enjten. Shkaku ishte një operacion në shkallë të gjerë nga policia kosovare, e cila kishte vepruar kundër rrjeteve të kontrabandës në vend.
Në veri të qytetit jetojnë kryesisht serbë, të cilët e ndien praninë e forcave të shumta të sigurisë si provokim dhe luftuan me policinë kosovare, shkruan më tutje gazeta.
Dërguesi i panjohur ka siguruar gazetën “20 minuten” se ishte penduar për e-mailin e shkruar.
Sidoqoftë, këto letra kërcënuese do të kenë pasoja, konfirmon Linda von Burg nga Zyra e Prokurorit Federal, trasnmeton albinfo.ch. Tashmë është hapur një çështje penale sepse ekziston dyshimi për shtrëngim, kërcënim dhe abuzim.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Rrëshqitja e shkëmbinjve në Brienz: A ekziston një kërcënim? Fshati malor Graubünden i Brienz ishte jashtëzakonisht me fat gjatë rrëshqitjes së dheut në verën e...
-
Gotthard, mbi 20 kilometra bllokime trafiku
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave