Lajme
Sa shpenzuan amerikanët gjatë ‘Black Friday’
Amerikanët shpenzuan një shifër rekord prej 9.12 miliardë dollarësh në internet gjatë asaj që njihet si e “Premtja e Zezë”, dita menjëherë pas festës së Falënderimeve, e cila çel sezonin e blerjeve me rastin e festave në Shtetet e Bashkuara me ulje drastike çmimesh.
Sipas një raporti të publikuar të shtunën të kompanisë Adobe Analytics, shpenzimet në internet u rritën me 2.3 për qind, edhe pse konsumatorët po përballuan me trysninë e inflacionit të lartë.
Duket se blerësit nuk i kanë shpëtuar dot tundimit të zbritjeve të mëdha, të ofruara në çdo gjë, nga telefonat inteligjentë tek lodrat.
Adobe Analytics, e cila mat tregtinë elektronike duke analizuar blerjet në faqet e internetit, ka qasje në të dhënat që mbulojnë blerjet në 85 për qind nga 100 kompani kryesore që tregtojnë në internet në Shtetet e Bashkuara.
Kompania kishte parashikuar që shitjet gjatë kësaj dite të rriteshin në një masë modeste prej 1 për qind.
Një ditë që gjithashtu shoqërohet me ulje të mëdha çmimesh është ajo që njihet si “Cyber Monday”, e hëna e parë pas festës së Falënderimeve. Adobe Analytics parashikon që edhe e hëna të shënojë një volum të madh blerjesh, me amerikanët që pritet të shpenzojnë rreth 11.2 miliardë dollarë.
Pritshmëritë ishin që konsumatorët të dyndeshin në dyqane pas kufizimeve që kishte shkaktuar më parë pandemia, por mëngjesi i së premtes tregoi më pak lëvizje se zakonisht në qendra tregtare, me përjashtime në disa pjesë të vendit.
Amerikanët përdorën telefonat inteligjentë për të bërë blerje dhe sipas Adobe Analytics, blerjet në celular përfaqësonin 48% të të gjitha shitjeve në internet gjatë ditës së premte. /VOA
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
1 maji në Zvicër, në protesta shënohen disa incidente Rreth 10,000 pjesëmarrës marshuan në qendër të Cyrihut të mërkurën. Motoja e tyre ishte: “Kapitalizmi të...
-
Botohet në gjermanisht libri “Unë kam vrarë” i autores shqiptare, Eni Vasili
-
Rekord i organeve të dhuruara në Zvicër
-
McDonalds do të hapë shtatë restorante të reja në Zvicër këtë vit
-
Zvicër: Së shpejti pritet ulje e çmimit të faturave të energjisë elektrike