Lajme
Arrestohen dy kosovarë: Donin të hynin në Gjermani, ku i priste vuajtja e dënimit
Njëri i moshës 44-vjeçare, i kërkuar për krime droge dhe tjetri, 67-vjeçar, i cili kishte mbajtur një pjesë të dënimit dhe ishte dëbuar në Kosovë
![](https://www.albinfo.ch/wp-content/uploads/files/poliz deutscland.jpg)
Fundjavën e kaluar (16-18 shkurt), oficerët e Policisë Federale kanë arrestuar në pikat kufitare në mes të Austrisë dhe Gjemrnaisë njëmbëdhjetë persona (shtetas të huaj) të kërkuar me urdhër arresti. Dy prej tyre ishin shtetas të Kosovës, të cilët janë kapur duke hyrë në Gjermani, edhe pse këtë e kishin të ndaluar.
Njëri kosovar, i moshës 44-vjeçare, është kapur ndërsa donte të hynte në Gjermani të shtunën në mëngjes me një autobus përmes autostradës A8, transmeton albinfo.ch. Prokuroria publike e Mynihut e kishte shpallur atë në kërkim për trafik ilegal të lëndëve narkotike. Duke qenë se ai nuk pati mundësi të paguante gjobën, kosovari duhet të vuajë dënimin e mbetur prej 823 ditësh burg, shkruan bgland24.de.
Një bashkatdhetar 67-vjeçar i tij, i cili u kontrollua në Walserberg të dielën në mëngjes, ndërsa ishte angazhuar si zëvendës shofer i një autobusi me regjistrim kosovar, gjithashtu duhet të vuajë burg për një kohë të gjatë.
Prokuroria publike e Heilbronn-it ishte në kërkim të 67-vjeçarit për shkak të një krimi sipas Ligjit për Narkotikët. Autoritetet gjithashtu e kishin deportuar atë në vendin e tij pasi kishte mbaruar një pjesë të dënimit prej tetë vjetësh burg në Gjermani, përcjell albinfo.ch. Meqenëse ai donte të rihynte në Gjermani, ku e kishte të ndaluar hyrjen, tani duhet të vuajë dënimin e mbetur prej 1447 ditësh burg.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n