Auditori: ATK-ja nuk jep shifra për bizneset pa arka fiskale

Mos identifikimi i saktë i bizneseve të cilat nuk janë të pajisura ma arka fiskale si pasojë mund të kenë shmangien e mundshme tatimore

Administrata Tatimore e Kosovës nuk ka të dhëna shifra të sakta se sa është numri i bizneseve që nuk janë të pajisura me arka fiskale, e që sipas legjislacionit kërkohet të jenë të fiskalizuara. Por, ATK ka të dhëna që pa arka fiskale operojnë ende edhe 21 pika të karburanteve të shitjes.

Mos pajisja me arka fiskale i dëmton bizneset të cilat paguajnë tatime dhe i bënë të të pa barbarët me ato që shmangie nga tatimi. Zyra Kombëtare e Auditimit ka publikuar Raportin për Auditimin e Pasqyrave Financiare Vjetore të Administratës Tatimore të Kosovës për vitin 2017.

Sipas Auditorit ka mungesë të madhe të fiskalizmit nga ana e bizneseve.“Në planin e trajtimit të rreziqeve për vitin 2017 një ndër objektivat kryesore ATK kishte përcaktuar identifikimin dhe fiskalizimin e bizneseve, të cilat kërkohet të fiskalizohen e që ende nuk janë pajisur me arka fiskale”, thuhet në raport.

Sipas të dhënave të ATK-së numri i përgjithshëm i bizneseve që ushtrojnë aktivitete biznesore është gjithsej 65,745, prej tyre 46,558 janë deklarues në sistemin e tatimpaguesve të ATK-së në vitin 2017.

“Mos identifikimi i saktë i bizneseve të cilat nuk janë të pajisura ma arka fiskale si pasojë mund të kenë shmangien e mundshme tatimore, e kjo rezulton me një konkurrencë jo të barabartë ndërmjet bizneseve që zhvillojnë aktivitete të caktuara”, vlerëson auditori.