Lajme
Austria: 500 milionë euro ndihmë për bizneset e gastronomisë
Me gjysmë miliardi euro dhe lehtësim të taksave, qeveria austriake do të ndihmojë të gjitha bizneset e gastronomisë të cilat janë goditur nga kriza e koronavirusit
Kancelari Sebastian Kurz dhe bashkëpunëtorët e tij njoftuan të hënën në një konferencë për shtyp një paketë prej 500 milionë eurosh për bizneset e gastronomisë. Masat mbështetëse për atë që Kurz e quajti “shpirti i vendit” synojnë rritje të konsumit dhe ulje të taksave për pije joalkoholike nga 20 në 10 për qind, shkruan oe24.at, përcjell Albinfo Austria.
“U dakorduam për një paketë prej 500 milionë eurosh që synon të rrisë konsumin dhe reduktojë taksat për pronarët e restoranteve. Jam veçanërisht i lumtur që numri i ulët i infektimeve të reja do të na lejojë t’i rihapim restorantet në fund të kësaj jave, pra me 15 maj”, tha ai.
Paketa duhet të ndihmojë në rritjen e konsumit dhe të lehtësojë barrën e taksave mbi pronarët. Në veçanti, bujtinat rurale gjithashtu duhet të përfitojnë nga uljet “paushallë”. Për shembull, falë këtyre masave, një bujtinë e fshatit me qarkullim vjetor prej 115,000 eurosh do të paguajë vetëm 871 euro taksë në vend të 3,670 eurove.
Austria ishte një ndër vendet e para që aplikoi kufizime për pengimin e pandemisë, por nuk pati shpërthim të pakontrollueshëm të rasteve. Vendi numëron rreth 16 mijë raste infektimi dhe 620 vdekje nga Covid-19.
Kurz tha gjithashtu se qeveria austriake mbështet rihapjen e kufijve të brendshëm evropianë, dhe se shpreson në një marrëveshje me Gjermaninë për të lejuar udhëtimet mes dy vendeve gjatë verës.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Zvicër: Një burrë plagos disa persona në Zofingen Sot pasdite rreth orws 16:00, policia zvicerane ka marrë një raport për sulmin, sipas policisë kantonale...
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit
-
Rritet numri i pasagjerëve në transportin publik të Gjenevës