Austria rikonfirmon mbështetjen për Kosovën

Sipas zyrës së Kryeministrit Kurti, temë e takimit ka qenë përkrahja e Austrisë për Kosovën dhe thellimi i bashkëpunimit mes dy vendeve

Austria do të vazhdojë të mbështesë Kosovën në shumë fusha. Kështu tha ambasadori i Austrisë në Kosovë, Christoph Weidinger, gjatë një takimi me kryeministrin e Kosovës, Albin Kurti.

“Kurti e ka njoftuar ambasadorin me veprimet e ndërmarra nga Qeveria për ringjalljen ekonomike të vendit pas situatës me pandeminë COVID-19. Në takim u fol edhe për fushat e investimeve nga kompanitë austriake në Kosovë si dhe për bashkëpunimin me shtetet e rajonit”, thuhet në njoftimin e Qeverisë, transmeton Albinfo.ch.

Ndërsa ambasadori Weidinger ritheksoi që Austria do të vazhdojë të përkrahë Qeverinë dhe popullin e Kosovës.

 

---