Bahtiri merr një vendim të ri për hirë të bashkatdhetarëve

Bahtiri lejon bizneset të punojnë të dielave

Me këtë rast përfaqësuesit e bizneseve kanë kërkuar nga kryetari Bahtiri të shqyrtohet edhe një herë mundësia që dita e diel të vazhdojë të jetë ditë pune, pasi që sipas tyre, ky vendim ka ndikuar keq në biznesin e tyre.

Ndërsa kryetari i Komunës, Agim Bahtiri, përshëndeti të pranishmit, duke thënë se këtë vendim e ka ndërmarrë me qëllimin e vetëm që punëtorët të kenë një ditë pushimi, ku mund të kalojnë kohën me familjet e tyre dhe të kenë një trajtim më të mirë.

Bahtiri, me qëllim që të mbështesë prapë bizneset, dhe duke marrë parasysh edhe fluksin e madh të mërgimtarëve, në mënyrë që qytetarët të furnizohen me gjëra të konsumit, do t’u mundësojë bizneseve të vazhdojnë të punojnë përkohësisht të dielave deri në marrjen e një vendimi të përbashkët me ta, shkruajnë mediat në Kosovë, përcjell albinfo.ch.

Po ashtu kryetari Bahtiri kërkoi nga përfaqësuesit e bizneseve që të respektojnë të gjitha dispozitat ligjore, të cilat e mbrojnë punëtorin, pasi që ky vendim ka ardhur pikërisht për të mbështetur të drejtat e tyre.

---