Lajme
Banorët e një qyteti në Austri protestojnë kundër turistëve
![](https://www.albinfo.ch/wp-content/uploads/2023/05/hallstatt-3609863_1920-587x336.jpg)
Banorët në qytetin austriak të Hallstatt kanë dalë në protestë për kufizimin e numrit të vizitorëve të huaj.
Ata po kërkojnë ndalimin e autobusëve me pushues pas orës 17:00 dhe reduktimin e numrit ditor në qytet. Hallstatt, i cili është një vend i Trashëgimisë Botërore, ka mbi 700 banorë, por vizitohet nga rreth 10 mijë turistë në ditë, gjatë pikut të sezonit.
Me shtëpitë e vjetra piktoreske, në brigjet e një liqeni të pacenuar alpin të rrethuar nga male të thepisura, është bërë një pikë e nxehtë turistike kohët e fundit. Në vitin 2006, ai u shfaq në një dramë romantike të Koresë së Jugut, duke rritur popullaritetin e tij në Azi, me një kopje të qytetit që u ndërtua në Kinë gjashtë vjet më vonë.
Shumë vizitorë shkojnë aty në kërkim të fotove perfekte, me liqenin, kullën e hollë të kishës gri të zbehtë, dhe peizazhin mahnitës malor si sfond. Në maj të këtij viti, banorët ngritën për pak kohë një mur prej druri në vendin më të njohur për të bërë selfie, duke bllokuar pamjen e Alpeve, në shenjë proteste kundër ndotjes akustike dhe trafikut. Pas një reagimi të ashpër në rrjetet sociale, bllokada u hoq nga autoritetet.
Në atë kohë, kryetari i Bashkisë tha se donte të reduktonte me një të tretën numrin e autobusëve që kalojnë mespërmes qytetit.
Si një nga destinacionet më tepër turistike të Evropës, Hallstatt regjistroi rreth një milion vizitorë një vit para pandemisë Covid-19.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n