BE kërkon sqarime urgjente për vonesën e vaksinës Johnson & Johnson

Komisioni Evropian ka thënë se po kërkon “sqarim urgjent” nga Johnson & Johnson pas njoftimit “krejtësisht të papritur” të kompanisë se po vonon vaksinat e saj në të gjithë Evropën pas shqetësimeve në SHBA për një numër të vogël të mpiksjes së gjaku, shkruan “Reuters”, përcjell albinfo.ch

Pasi agjencitë shëndetësore amerikane rekomanduan shtetet që të ndalonin përkohësisht përdorimin e vaksinave të martën, Johnson & Johnson thanë në një deklaratë se kishin qenë “duke shqyrtuar këto raste me autoritetet shëndetësore evropiane” dhe kishin “marrë vendimin për të vonuar në mënyrë proaktive shpërndarjen e vaksinave tona në Evropë.”

Një zyrtar i komisionit i tha Reuters se kompania kishte konfirmuar në një takim të premten se kishte për qëllim të jepte 55 milion doza në BE, siç ishte kontraktuar, deri në fund të qershorit.

Zyrtari tha se komisioni ishte “në kontakt me kompaninë” për të marrë sqarime, përcjell tutje albinfo.ch