Lajme
BE: Mizoritë në Reçak janë të dokumentuara mirë
Bashkimi Evropian u është bashkangjitur thirrjeve që të mos mohohen e as të tentohet të revidohen krimet, si ai në Reçak. Në një përgjigje rreth kësaj masakre, të cilën në Serbi disa herë e kanë quajtur “trillim”, BE-ja e ka qartësuar pozicionin.
“Ajo që ka ndodhur në Reçak në Kosovë dhe mizoritë e kryera atje janë mirë të dokumentuara” dhe se mohimi apo revizionizmi shkojnë në kundërshtim me vlerat e Bashkimit Evropian dhe janë në kundërshtim edhe me projektin e integrimit të Ballkanit Perëndimore në Bashkimin Evropian”, thuhet në një reagim të kësaj organizate, raporton “Koha Ditore”.
Në pjesën tjetër të reagimit nga BE-ja përsëritet thirrja që autoritetet në rajon të punojnë me sinqeritet dhe vlerësim të vërtetë të së kaluarës në respekt të viktimave. Aty thuhet se BE-ja kërkon pajtim, stabilitet dhe normalizim të raporteve në rajon.
Në reagimet e mëhershme BE-ja ishte përmbajtur nga përmendja e termit “masakër”, “krim” apo terma të ngjashëm, duke e quajtur atë që ndodhi në Reçak vetëm “ngjarje”.
Në reagimin e së mërkurës, përdoret termi në anglisht “atocities”, me të cilin dëshmohet se BE-ja e konsideron masakrën e Reçakut krim mizor, ashtu siç e ka trajtuar edhe Gjykata e Hagës me dënimet ndaj ish-liderëve policorë dhe ushtarakë të Serbisë për krimet në Kosovë, përcjell Albinfo.ch.
Të ngjashme
Të tjera nga Lajme
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut