Belgjika vendos në karantinë të kthyerit nga kantoni Ticino i Zvicrës

ushdo që kthehet në Belgjikë nga kantoni italishtfolës i Zvicrës, Ticino do të detyrohet të futet në karantinë dhe t`i nënshtrohet një testimi për Covid 19

(KEYSTONE/Jean-Christophe Bott)

Ndër masat specifike që Belgjika ka marrë për mbrojtje nga koronavirusi është edhe trajtimi i diferencuar i regjioneve të vendeve të ndryshme të botës, shkruan albinfo.ch. Kjo  vlen sidomos për vendosjen në karantinë të personave që kthehen në Belgjikë nga ato vende ose regjione.

Kështu, kushdo që kthehet në Belgjikë nga kantoni italishtfolës i Zvicrës, Ticino do të detyrohet të futet në karantinë dhe t`i nënshtrohet një testimi për Covid 19, shkruan srf.ch

Shërbimi i Punëve të Jashtme i Belgjikës e ka publikuar këtë njoftim këtë në faqen e vet zyrtare.

Përveç kantonit jugor të Zvicrës, në “Listën e portokalltë” të  Belgjikës ndodhen edhe Landi austriak i Austrisë së Epërme (Oberösterreich) , Kroacia, Suedia dhe dy rajone në Spanjë.

Ticino është rajoni i vetëm Zviceran në këtë listë. Dihet se ky kanton ka qenë më i prekuri nga koronavirusi dhe, për shkak të afërsisë me Lomardinë e Italisë, regjioni i parë në Zvicër që ka ardhur në kontakt me virusin, shkruan albinfo.ch. Kantoni i Vaudit, i cili gjithashtu është prekur keq nga pandemia, nuk është renditur aty.