Lajme
Berna do t`i detyrojë protestuesit e koronës të paguajnë vetë dëmet që shkaktojnë
Komunat mund t'i ngarkojnë organizatorit dhe demonstruesve të dhunshëm kosto deri në 10,000 CHF, ndërsa, në raste më serioze deri në 30,000 CHF
Qyteti i Bernës i ka paraqitur një kërkesë Policisë së Kantonit të Bernës në mënyrë që kostot e shkaktuara në demonstratat e paautorizuara të koronës të barten tek pjesëmarrës të caktuar të demonstrimit.
Nga pikëpamja e autoriteteve të qytetit, kushtet për këtë janë plotësuar, shkruan sda.ch.
“Ne i kemi paraqitur një kërkesë policisë kantonale të Bernës për këtë transferim të kostos” është shprehur drejtori i sigurisë i qytetit të Bernës Reto Nause të premten për programin e radios SRF Regional Diagonal.
Qyteti aktualisht është duke pritur që t`i ketë të gjitha të dhënat e nevojshme, transmeton albinfo.ch. Sapo të mbërrijnë të dhënat, Berna do të jetë në gjendje të realizojë “transferimin” e tillë të kostos.
Dëmi ekonomik që shkaktohet në qytetin e Bernës çdo të enjte për shkak të protestave të kundërshtarëve të masave të Corona është i madh – ashtu siç është i madh angazhimi që duhet të bëjë policia, thotë Nause.
Tubimet e kaluara ishin të paautorizuara dhe degjeneruan në dhunë. Kjo do të thotë se janë krijuar parakushtet për të bërë transferimin e përmendur të kostove.
Ligji i ri policor kantonal, i cili është në fuqi që nga qershori 2020, parashikon mundësinë e bartjes së shpenzimeve për demonstruesit. Prandaj, komunat mund t’i ngarkojnë organizatorit dhe demonstruesve të dhunshëm kosto deri në 10,000 CHF, ndërsa, në raste veçanërisht serioze deri në 30,000 CHF.
Çdo demonstrim i paautorizuar kundër koronës në Bernë shkakton kosto për angazhimin e policisë në shumat prej 100,000 deri në 200,000 franga, përcjerll albinfo.ch. Kjo, nga fakti se, për të garantuar sigurinë publike, policia e Bernës ka gjithmonë një kontigjent të madh prej disa qindra policësh në detyrë.
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët