Lajme

Bernard Berisha shënon dy gola dhe një asistim në Rusi

Skuadra ruse, Akhmat Grozny ka fituar ndeshjen kundër Ufas në Premier Ligën e Rusisë me rezultat 3-1.

Bernard Berisha, ishte ylli i këtij takimi, duke arritur të shënonte dy gola dhe të bënte një asistim.

Në minutën e 14-të, Berisha fitoi një penalti dhe nga pika e bardhë ishte i pagabueshëm. Ai kontribuoi edhe në golin e dytë të skuadrës së tij, ku në minutën e 68-të, asistoi për Vladimir Iljinin. Por, me kaq nuk asgjë nuk përfundoi. Bernard Berisha në një aksion të shpejtë ia doli të shënonte edhe golin e dytë të tij, i treti për skuadrën e Akhmatit.