CH-Ballkani
Bjeshka Mokra bashkon rajonin në turizëm
Instituti për Zhvillim Ekonomik Territorial njofton se do të fillojë projektin rajonal “Bjeshka e Mokrës – një margaritar i pazbuluar në Via Dinarika”, i cili do të mbledhë përfaqësuesit e komunave, organizatave lokale turistike, klubeve sportive, agjencive turistike dhe organizatave joqeveritare të Rozhajës, Pejës, Istogut, Zubin Potokut dhe Tutinit, vende që së bashku e ndajnë këtë bjeshkë, në mënyrë që së bashku të punojnë në zhvillimin e turizmit dhe promovimin e Bjeshkës Mokra si një destinacion unik që ofron përmbajtje atraktive për pushim aktiv.
Projekti do të vazhdojë deri në fund të muajit maj të vitit të ardhshëm dhe financohet me mjete të Bashkimit Evropian, përcjell albinfo.ch.
Në bashkëpunim me partnerët nga këto komuna InTER do të punojë në krijimin e një shtegu të ri në rutën Via Dinarika nga Hajla në Bjeshkët e Nemuna, nëpërmes Bjeshkës Mokra, deri te pjesa lindore e Majës Berim, përcjell albinfo.ch.
Përveç kësaj, me projekt do të mbështetet edhe krijimi dhe promovimi i produkteve turistike që do të paraqesin një përvojë unike multikulturore në një ambient shumë të bukur natyror të Bjeshkës Mokra, e cila njihet edhe si “Bukuroshja e Ballkanit”.
Një pjesë e rëndësishme e projektit do të përdoret për vendosjen e bashkëpunimit në mes të bashkësive lokale, që do të kontribuojnë në zhvillimin e gjithmbarshëm ekonomik rajonal të kësaj pjese të Ballkanit.
Të ngjashme
Të tjera nga CH-Ballkani
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën