Bllokohet pikëkalimi në Morinë, 3 orë pritje për hyrje Shqipëri

Nga ora 04:00 deri në 07:00 kanë kaluar kufirin e Morinës mbi 20 mijë automjete me mbi 40 mijë qytetarë kosovarë për të kaluar pushimet në Shqipëri

Temperaturat e larta tropikale që kanë përfshirë Ballkanin, ka shtyrë mijëra kosovarë t’ia mësynë bregdetit shqiptar. Vetëm sot, nga ora 04 deri në 07:00 të mëngjesit, në pikëkalimin e Morinës kanë kaluar mbi 20 mijë automjete me mbi 40 mijë kosovarë. Kjo ka bërë që pritjet në kufij të shkojnë deri në 3 orë.

Fatmirësisht në doganë edhe pse pati fluks të lartë nuk kishte pritje të gjata, ndërsa policia kufitare ka rritur numrin e punonjësve, raporton shekulli.

Nisur nga fluksi i lartë dhe kolona e mjeteve përgjatë gjithë Rrugës së Kombit, policia kufitare dhe ajo rrugore po punojnë për të përballuar fluksin, thuhet në njoftim. Policia iu bën apel drejtuesve të mjeteve për zbatim të rregullave të qarkullimit rrugor.