Lajme

Britania e Madhe largon Spanjën nga lista e udhëtimeve

E martë, 28 Korrik 2020 - 22:30 albinfo.ch

Qeveria e Mbretërisë së Bashkuar ka mbrojtur vendimin për karantinën 14-ditore për të gjithë ata që vijnë nga Spanja, pasi kryeministri spanjoll e quajti “të padrejtë”.

Ministri Simon Clarke ka thënë se nuk pajtohet me qëndrimin e Qeverisë spanjolle. Ai shtoi se në Spanjë numri i të infektuarve kohët e fundit është rritur tej mase. Kryeministri i Spanjës, Pedro Sanchez, më parë tha se turistët në shumicën e rajoneve do të ishin më të sigurt nga koronavirus sesa në Mbretërinë e Bashkuar, dhe se ai shpreson që Britania do ta rishqyrtojë vendimin.

Mbretëria e Bashkuar është kundër të gjitha udhëtimeve jo të domosdoshme në Spanjë, përfshirë Ishujt Balearik dhe Kanarinë. Ajo gjithashtu largoi Spanjën dhe ishujt e saj nga lista e vendeve që janë të përjashtuara nga rregulli 14-ditor i karantinës.

“Daily Telegraph” ka raportuar se karantina për njerëzit që vijnë në Britani të Madhe nga Spanja mund të shkurtohet në 10 ditë nëse testohen negativë, por ministri i lartë, Michael Gove, ka thënë se këto ishin spekulime.

 Të ngjashme

Sa ka ndikuar pandemia në lindjet në Zvicër

 Të tjera nga Lajme

Protestë më 1 maj nga punëtorët e arsimit në Kosovë

 E-Diaspora

 Jeta në Zvicër