Britanikët do të kenë mundësi të pajisen me leje qëndrimi në Gjermani

Berlini do të lejojë që britanikët që jetojnë në Gjermani dhe të afërmit e tyre të kenë kohë të mjaftueshme për të aplikuar për leje qëndrimi, nëse ata do të dalin nga Bashkimi Europian pa një marrëveshje, tha të mërkurën zëdhënësja e Ministrisë së Brendshme gjermane.

Aktualisht, Britania e Madhe ka planifikuar të largohet nga blloku më 12 prill, por Parlamenti britanik ka miratuar një ligj që detyron kryeministren Theresa May për të gjetur një zgjidhje.

Shumica e të huajve ekstrakomunitarë të BE-së duhet të aplikojnë për leje qëndrimi gjermane në konsullatat ose ambasadat gjermane jashtë vendit, shkruan atsh, përcjell albinfo.ch.

Vetëm të ashtuquajturit ”qytetarë nga grupet e miqësisë së mirë”, si Australia, Izraeli, Japonia, Kanadaja, Koreja e Jugut, Zelanda e Re dhe Shtetet e Bashkuara të Amerikës mund të mbërrijnë në Gjermani dhe më pas të aplikojnë për qëndrim.