Futboll

Celina nënshkruan me Swansean

Bersant Celina ka nënshkruar me Swansean, duke u larguar nga Manchester City

Futbollisti shqiptar, Bersant Celina ka nënshkruar edhe zyrtarisht me skuadrën uellseiane, Swansea, që garon në Ligën e Parë angleze.

21-vjeçari nga Kosova është transferuar për rreth pesë milionë euro nga Manchester City, shkruan albinfo.ch.

Lajmi është publikuar nga vetë Celina në rrjetet sociale, duke konfirmuar kështu aventurën e re në karrierën e tij.

Ai që katër vite ishte pjesë e Manchester City, ku kishte edhe disa huazime, së fundi në Ipswich Town.

Celina ka luajtur edhe për Përfaqësuesen e Kosovës në futboll, kurse më herët kishte ftesë nga Norvegjia.