Çfarë ka ndodhur me ekipin e Zvicrës që fitoi Botërorin

Zvicra U17 kishte fituar Kupën e Botës saktësisht 10 vjet më parë, por çfarë ka ndodhur me futbollistët

Ishte një ndjenjë e jashtëzakonshme dhe e papritur. Më 15 nëntor 2009, skuadra U17 e Zvicrës mundi nikoqirët Nigerinë 1:0, pasi kishte eleminuar tashmë ekipe duke përfshirë Brazilin, Gjermaninë, Italinë dhe Kolumbinë.

Ishte hera e parë që një skuadër e Zvicrës shpallet kampione e botës, shkruan swissinfo.ch.

Ishte gjithçka e jashtëzakonshme duke pasur parasysh që mbetet edhe e vetmja herë që skuadra zvicerane U17 është kualifikuar ndonjëherë në turne, përcjell albinfo.ch.

Gjithashtu është interesante se ekipi përbëhej nga lojtarë me shumë kombësi. Kapiten ishte Frederik Veseli, që tashmë luan për Shqipërinë.

Ndërkohë, Xherdan Shaqiri nuk kishte luajtur për shkak se ishte 18 vjeç.

Frédéric Veseli (kapiten): U nis për në Angli dhe në vitin 2008 nënshkroi me Manchester Cityn dhe më pas me Manchester United, por, si shumë lojtarë të rinj zviceranë të tunduar nga ofertat nga klube të mëdha të huaja, ai luftoi për të qenë pjesë e ekipit të parë. Në fakt Veseli nuk bëri asnjë paraqitje të vetme për asnjërin klub. Ai tani luan për Empoli në divizionin e dytë italian. Ndeshja e tij e fundit për Zvicrën ishte për skuadrën U21 më 2012. Ai hodhi poshtë thirrjet nga Kosova, por që nga viti 2015 ka luajtur për Shqipërinë.

Ricardo Rodriguez: Ka luajtur për FC Cyrih, Ëolfsburg në Gjermani dhe që nga viti 2017, AC Milan, që raportohet se e ka nënshkruar atë për 17 milion € (CHF18.5 milionë). Ka luajtur për kombëtaren 69 herë.

Bruno Martignoni: Ka luajtur në klube të ndryshme zvicerane dhe aktualisht është në Chiasso në Zvicër, Challenge League (divizioni i dytë). Nuk ka ndeshje për Kombëtaren.

Pajtim Kasami: Ka luajtur në Itali, Angli dhe Greqi para se të kthehej në Zvicër në FC Sion në Super League (divizioni i lartë). Edhe pse ai ka luajtur 15 herë për Kombëtaren, paraqitja e fundit ishte disa vite më parë.

Nassim Ben Khalifa: Ishte lojtari i dytë më i mirë në Kupën Botërore U17. Ai më pas iu bashkua Wolfsburg-it për disa vjet, i ndjekur nga pengesat në Zvicër dhe Turqi para se të nënshkruante një kontratë një vjeçare në korrik 2019 me klubin e Super League, Grasshoppers Cyrih, ku ai kishte filluar karrierën e tij. Luajti katër herë për kombëtaren, por jo që nga viti 2012.

Haris Seferovic: Filloi te Grasshoppers dhe më pas luajti në Itali, Spanjë dhe Gjermani, para se të vendoset në kampionët aktual portugez Benfica më 2017. Ka luajtur 61 herë për kombëtaren.

Benjamin Siegrist: U dha “Doreza e Artë” për portierin më të mirë në Kupën e Botës – “një nga shtyllat e suksesit të ekipit të tij”, sipas FIFA. Luajti për disa klube angleze dhe Vaduz në Lihtenshtajn (që luan në ligën zvicerane) para se të bashkohej me Dundee United në divizionin e dytë skocez, vitin e kaluar. Nuk ka ndeshje për kombëtaren.

Janick Kamber: Gjithmonë ka luajtur në Zvicër dhe aktualisht është në skuadrën e Superligës, Neuchâtel Xamax. Nuk ka ndeshje për kombëtaren.

Oliver Buff: Kaloi tetë vjet në FC Cyrih para një periudhe të shkurtër në Real Zaragoza në Spanjë. U bashkua me Grasshoppers muajin e kaluar. Nuk ka ndeshje për kombëtaren.

Charyl Chappuis: Filloi karrierën e tij në Grasshoppers para se të transferohej më 2013 në Tajlandë, shtëpia e nënës së tij. Aktualisht është në Muangthong United. Ai ka luajtur për Tajlandën, ku ka një ndjekje të madhe në mediat sociale, që prej vitit 2014.

Granit Xhaka: Ka luajtur për FC Basel dhe klubin gjerman Borussia Mönchengladbach përpara se të nënshkruante në klubin londinez Arsenal për rreth 30 milion £ (38 milionë CHF) në vitin 2016. Lindur në Bazel me prindër shqiptarë (vëllai i tij luan për Shqipërinë), Xhaka ishte në qendër të polemikave për “shqiponjë dykrenare” kundër Serbisë në Kupën e Botës 2018. Ai është lider te Zvicra, derisa së fundi iu hoq shiriti i kapitenit në Arsenal, përcjell tutje albinfo.ch.

Nga dhjetë lojtarët e mbetur në skuadrën e vitit 2009, katër nuk luajnë më futboll dhe pjesa tjetër fitojnë jetesën e tyre në klubet zvicerane.

 

---