Maqedonia

Çka thonë emigrantët e rrokullisur me kamion

Emigrantët e hospitalizuar flasin për tmerrin që kanë përjetuar.

“Kam dhimbje, dua të shkoj në tualet, por mjekët më kanë sjellë një bidon. Mjekët më thanë të qëndroj kështu, dy ditë unë qëndroj në këtë pozicion”, tha Taxhedi emigrant.

Ky është Taxhedi nga Avganistani, njëri nga emigrantët që ishte në kamionin, i cili dje u rrokullis në autostradën Demir-Kapi Negotinë.

Po ankohet se ka dhimbje në kurriz, dhe nuk mund të lëvizë. Ai ka edhe një hall tjetër.

Nuk e di se ku e ka vëllain e tij 16-vjeçar, i cili kishte ardhur në Maqedoni para dy jave. Nuk ka as telefon që ta kontaktoj, por ka dëgjuar që ai gjendet në Shkup.

“Dua të them që unë e kam humbur vëllain tim. Vëllai im është 16-vjeçar. Ai ka ardhur para meje”, theksoi Taxhedi, emigrant.

Bashkë me Taxhedin është edhe Samiu, ai e ka këmbën e thyer. Rrëfen se për transportin nga Gjevgjelia deri në kufirin me Serbinë kanë paguar 600 euro për person.

“Nga kufiri kemi shkuar në këmbë 4 orë nga kufiri grek.  600 euro, prej atje për të na dërguar në kufirin e Serbisë”, deklaroi Sabiti, emigrant.

Kamioni i cili ishte i mbushur me 34 emigrantë gjatë ditës së djeshme, në tentim për t’i ikur policisë  u rrokullis në magjistralen Demir Kapi- Negotin.

Shoferi i kamionit po sa ka parë policinë, është hedhur nga automjeti dhe ka lënë kamionin pa shofer, me çka kamioni doli jashtë magjistrales bashkë me 34 emigrantët që ishin brenda.

Dy prej tyre janë hospitalizuar në urgjencën e Shkupit, ndërsa shoferi i autobusit është në kujdes intensiv. Emigrantët e tjerë që janë mirë me shëndet janë dërguar në kampin e Gjevgjelisë, shkruan TV 21, përcjell Albinfo.ch.