Lajme

Çmime më të larta të konsumit vitin e kaluar në Kosovë

Agjencia e Statistikave të Kosovës (ASK) ka publikuar indeksin e harmonizuar të çmimeve të konsumit (IHÇK) për vitin 2021.

Sipas ASK-së, indeksi i tërësishëm i harmonizuar i çmimeve të konsumit në vend në vitin 2021, ishte më i lartë në një mesatare prej 3.4 për qind, krahasuar me vitin 2020.

Publikimi vjetor i Indeksit të Harmonizuar të Çmimeve të Konsumit (IHÇK) i harmonizuar sipas konceptit ndërkombëtar është zbatuar nga muaji janar i vitit 2015, ndërkohë që përmban seritë kohore në baza vjetore për periudhën 2002 – 2021, të rillogaritur me vitin bazë 2015=100.

“Indeksi i tërësishëm i harmonizuar i çmimeve të konsumit në vend në vitin 2021 ishte më i lartë në një mesatare prej 3.4 për qind, krahasuar me vitin 2020. Ngritje e indeksit të çmimeve të konsumit gjatë vitit 2021 është vërejtur te buka dhe drithërat (4.3%); mishi (1.4%); qumështi, djathi dhe vezët (3.8%); vajrat dhe yndyrërat (22.9%); pastaj te perimet (4.1%); sheqeri dhe ëmbëlsirat (2.2%); kafja, çaji dhe kakao (2.4%) etj.

Mirëpo çmime më të larta janë vërejtur edhe te ujë, pijet joalkoolike, lëngjet nga pemët dhe perimet (0.9%); pije alkoolike (2.7%); duhani (3.7%); gazi (8.7%); lëndët djegëse të ngurta, druri i zjarrit, peleti etj.

Gjithsesi në indeks janë dhënë të gjithë artikujt që i janë nënshtruar rritjes së çmimeve.


LAJME INTERESANTE NGA INTERNETI