Bota
Coca Cola, edhe me kanabis!
Interesi i mundshëm i Coca Cola në sektorin e marihuanës vjen pasi shumë nga prodhuesit e pijeve po përpiqen ta shtojnë kanabisin si një përbërës në “modë”, duke qenë se bizneset e tyre tradicionale po ngadalësohen
Kompania më e madhe e pijeve në botë mund të jetë industria gjigande e radhës që do të hyjë në biznesin e pijeve të kanabisit.
Kompania e Coca-Cola thotë se është duke monitoruar industrinë e re dhe është e interesuar në “CBD”, përbërësin për pijet jo-psikoaktiv në marihuanë. Prodhuesi i pijeve me bazë në Atlanta është në bisedime me prodhuesin kanadez të marihuanës Aurora Cannabis Inc. për të sjellë në treg pije të reja.
Interesi i mundshëm i Coca Cola në sektorin e marihuanës vjen pasi shumë nga prodhuesit e pijeve po përpiqen ta shtojnë kanabisin si një përbërës në “modë” duke qenë se bizneset e tyre tradicionale po ngadalësohen, shkruan ‘Scan’.
Muajin e kaluar, prodhuesi i birrës Corona, Constellation Brands Inc. lajmëroi se do të shpenzonte 3.8 miliardë dollarë për të rritur aksionet e tij në Canopy Growth Corp, prodhuesin kanadez të marihuanës me një vlerë që tejkalon 13 miliardë dollarë, përcjell albinfo.ch.
Coca-Cola tashmë është duke u diversifikuar, pasi konsumi i sodës vazhdon të bjerë. Kompania, me markat e saj ikonë që variojnë nga Coca-cola deri tek Sprite, njoftoi se do të blinte zinxhirin e “Coffe shopeve” Costa për 5.1 miliardë dollarë në gusht dhe e ka zgjeruar veprimtarinë e saj në produkte të tjera, duke përfshirë lëngun, çajin dhe ujin mineral.
Të ngjashme
Të tjera nga Bota
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?