Kosova

”Çohu në këmbë kur flet për Vuçiç”, Osmani i kthehet keq ministrit serb në OKB

Gjatë seancës së  Këshillit të Sigurimit në OKB, ku u përmenden dhe krimet e kryera nga Serbia në Kosovë, tonet janë përshkallëzuar ndjeshëm duke mbërritur në një përplasje të fortë verbale mes presidentes së Kosovës, Vjosa Osmani dhe ministrit të jashtëm serb, Nikola Selakoviç.

Mediat në Kosovë thonë se Osmani kërkoi të njihet një herë e mirë pavarësia e vendit të saj dhe i tha ministrit se duhet të gjunjëzohet para monumenteve të viktimave të luftës.

“Vuçiç, tha ajo, flet me të njëjtën gjuhë si Sllobodan Millosheviçi të cilin e admiron.”

“Zonja Osmani duhet të qëndroni në këmbë kur të përmendni Aleksandar Vuçiç sepse është edhe presidenti i juaj dhe duhet t’i kushtoni respekt”, ishte komenti i kryediplomatit serb.

Osmani në fjalën e saj kujtoi sesi 140 mijë persona kanë humbur jetën gjatë genocidit të Millosheviçit në ish-Jugosllavi; në Kosovë, më shumë se 30 mijë persona janë vrarë; 20 mijë gra janë dhunuar; 160 mijë persona janë zhdukur dhe akoma ka varre masive; më shumë se 1 milionë qytetarë janë zhvendosur nga shtëpitë e tyre në Kosovë”, theksoi ajo, duke i treguar edhe një herë ministrit serb gjëra të cilat me sa duket, Beogradi kërkon t`i fshijë me pluhurin e harresës.


LAJME INTERESANTE NGA INTERNETI