Mbështetësit e Lëvizjes Vetëvendosje kanë festuar më herët këtë vit, duke shijuar fishekzjarrët në sheshin Garibaldi në Prishtinë, pas shpalljes së rezultateve paraprake të zgjedhjeve të parakohshme, ku partia e tyre rezulton forcë e parë me rreth 50% të votave.

Në festë ishte i pranishëm edhe kryeministri Albin Kurti, i cili falënderoi simpatizantët për mbështetjen e tyre. Ai u shpreh se koalicioni LVV-Guxo-Alternativa-PShDK do të qëndrojë pranë qytetarëve dhe do të përmbushë të gjitha premtimet. Kurti shtoi se rezultatet tregojnë nevojën për veprime të shpejta në ekonomi, arsim, kulturë dhe siguri për të avancuar Kosovën si Republikë.

Më herët, në një konferencë për media, Kurti e përshkroi rezultatin si më të thellin në historinë e vendit dhe tha se fituan populli dhe Republika. Ai ftoi partitë opozitare për bashkëpunim në Kuvend për çështje të rëndësishme dhe për interesin publik të qytetarëve.

Rezultatet paraprake tregojnë se Lëvizja Vetëvendosje ka siguruar 49,79% të votave, ndjekur nga PDK me 21,19%, LDK 13,77% dhe AAK 5,74%.

Pas publikimit të rezultateve preliminare të zgjedhjeve nga KQZ, ku Lëvizja VV doli kryesuese me mbi 49% të votave, kryeministri në detyrë Albin Kurti falënderoi simpatizantët, vullnetarët dhe aktivistët që kontribuan në fushatë, transmeton albinfo.ch.

“Më 28 dhjetor fitoi populli i Kosovës dhe Republika. Kjo është fitorja më e madhe në historinë e vendit,” deklaroi Kurti gjatë konferencës për media. Ai theksoi se rezultati tregon qartë nevojën për të ecur përpara pa vonesa dhe njoftoi planet e qeverisë për legjislaturën e dhjetë:

Plani i rritjes së Bashkimit Evropian në vlerë 880 milionë euro

Tre marrëveshje me Bankën Botërore në vlerë 120 milionë euro

Kurti gjithashtu bëri thirrje për bashkëpunim me partitë opozitare në Kuvend për të miratuar ligje që shërbejnë interesit publik dhe për të respektuar marrëveshjet ndërkombëtare. Ai përgëzoi gjithashtu qytetarët dhe mërgatën për pjesëmarrjen dhe mbështetjen, duke e quajtur fitoren historike dhe në rrugë të mbarë përtej zgjedhjeve të 14 shkurtit 2021.

Komisioni Qendror i Zgjedhjeve (KQZ) ka publikuar në një konferencë për media  rezultatet preliminare të zgjedhjeve të parakohshme parlamentare në Kosovë. Kryetari i KQZ-së, Kreshnik Radoniqi, njoftoi se Lëvizja VV po prin bindshëm, ndërsa procesi i numërimit po shkon drejt përfundimit.

Sipas të dhënave më të fundit, 872,762 vota janë përpunuar nga gjithsej 1,999,204 vota, ndërsa janë numëruar 2,453 vendvotime nga 2,557, që përbën 95,93% të totalit.

Rezultatet preliminare sipas partive janë:

VV: 49,79% (421,129 vota)

PDK: 21,18% (179,158 vota)

LDK: 13,77% (116,502 vota)

AAK: 5,74% (48,551 vota)

Srpska Lista: 3,87% (32,719 vota)

NISMA: 1,72% (14,513 vota)

KQZ thekson se këto janë rezultate preliminare, që ende nuk përfshijnë votat me postë nga diaspora, votat e personave me aftësi të kufizuara dhe votat me kusht, të cilat do të publikohen në ditët në vijim.

Pas publikimit të rezultateve preliminare nga zgjedhjet e parakohshme parlamentare të Kosovës, ku LDK renditet me 13,7% të votave, kryetari i partisë, Lumir Abdixhiku, ka bërë një deklaratë të hapur ndaj anëtarëve dhe qytetarëve.

Në adresimin e tij, Abdixhiku falënderoi secilin qytetar që besoi në programin e LDK-së, por pranoi se rezultati nuk ishte ai që kishte shpresuar dhe synuar për partinë. Ai e cilësoi këtë një moment reflektimi, duke theksuar se demokracia funksionon kur udhëheqësit janë të gatshëm të mbajnë përgjegjësi edhe në rast humbjeje.

“Ky është verdikti qytetar dhe para këtij verdikti përkulemi të gjithë. Dua të shpresoj se mbështetësit e LDK-së i kam përfaqësuar me dinjitet e përgjegjësi,” tha Abdixhiku, transmeton albinfo.ch.

Ai gjithashtu njoftoi se do të thërrasë Kuvendin e LDK-së për të diskutuar të gjitha çështjet, përfshirë edhe përgjegjësinë personale si kryetar, duke falënderuar edhe kundërshtarët politikë dhe duke uruar fituesit.

“Shpresojmë që qytetarët kanë zgjedhur drejt këtë herë. Kosova megjithatë do të ecë përpara dhe shpresa nuk humbet asnjëherë,” shtoi ai.

Deklarata e Abdixhikut vjen në një moment kur numërimi i votave po shkon drejt përfundimit, dhe LDK mbetet në vendin e tretë pas VV-së dhe PDK-së sipas rezultateve preliminare.

Komisioni Qendror i Zgjedhjeve (KQZ) ka publikuar rezultatet më të fundit preliminare nga zgjedhjet e parakohshme parlamentare të mbajtura sot në Kosovë, ndërsa procesi i numërimit po shkon drejt përfundimit. Sipas këtyre të dhënave, VV po prin bindshëm në garën zgjedhore.

Sipas përditësimit të bërë më 28 dhjetor 2025, ora 21:29, janë përpunuar 834,447 vota, që përbëjnë 41,74% të totalit prej 1,999,204 votash. Ndërkohë, janë procesuar 2,351 vendvotime nga 2,557, apo 91,94%, çka tregon se numërimi është në fazën përfundimtare.

Në bazë të rezultateve aktuale:

VV kryeson me 50,09% të votave, ose 405,075 vota

PDK renditet e dyta me 20,96% (169,537 vota)

LDK është e treta me 13,89% (112,362 vota)

Rezultatet për partitë tjera janë:

AAK: 5,89% (47,674 vota)

Srpska Lista: 3,56% (28,817 vota)

NISMA Socialdemokrate: 1,64% (13,232 vota)

Nga KQZ theksohet se këto janë rezultate preliminare, ndërsa në fazat e ardhshme do të numërohen votat me kusht, votat me postë dhe ato nga diaspora. Megjithatë, me mbi 90 për qind të vendvotimeve të përpunuara, epërsia e VV-së konsiderohet e qartë dhe bindëse.

Komisioni Qendror i Zgjedhjeve (KQZ) ka publikuar rezultatet preliminare të zgjedhjeve të parakohshme parlamentare të mbajtura sot në Kosovë, ku Lëvizja Vetëvendoske po prin bindshëm ndaj partive të tjera.

Sipas të dhënave të përditësuara më 28 dhjetor 2025, ora 20:39, janë përpunuar 469,898 vota, që përbëjnë 23,50% të totalit prej 1,999,204 votash. Ndërkohë, janë procesuar 1,428 vendvotime nga gjithsej 2,557, apo 55,85%.

Në këtë fazë të numërimit, Lëvizja Vetëvendosje renditet e para me 49,67% të votave, ose 226,354 vota, duke krijuar një diferencë të thellë krahasuar me partitë e tjera dhe duke u pozicionuar qartë si fituese e deritanishme e zgjedhjeve.

Në vendin e dytë renditet Partia Demokratike e Kosovës (PDK) me 20,02% apo 91,217 vota, e ndjekur nga Lidhja Demokratike e Kosovës (LDK) me 14,12% ose 64,359 vota.

Rezultate më të ulëta kanë shënuar:

AAK – Aleanca për Ardhmërinë e Kosovës: 6,85% (31,206 vota)

Srpska Lista: 3,33% (15,186 vota)

NISMA Socialdemokrate: 1,49% (6,795 vota)

Nga KQZ bëhet e ditur se bëhet fjalë për rezultate preliminare, të cilat mund të ndryshojnë me vazhdimin e procesit të numërimit të votave nga vendvotimet e mbetura, si dhe më vonë me numërimin e votave me kusht, atyre me postë dhe votave nga diaspora.

Kryetari i AAK-së, Ramush Haradinaj, mbajti një konferencë për media pas publikimit të rezultateve të exit polleve të zgjedhjeve, duke falënderuar qytetarët për besimin dhe mbështetjen e dhënë.

“Faleminderit qytetarëve që votuan për AAK-në. Rezultatet preliminare tregojnë se PDK, LDK dhe AAK mund të formojmë së bashku qeverinë e ardhshme,” tha Haradinaj, duke theksuar gatishmërinë për bashkëpunim.

Prokurori i Shtetit ka bërë të ditur se deri në përfundim të procesit të votimit nuk është ndaluar asnjë person për vepra penale kundër të drejtave të votimit.

Sipas njoftimit zyrtar, rreth 100 prokurorë dhe pjesëtarë të personelit të sistemit prokurorial kanë qenë të angazhuar gjatë ditës së zgjedhjeve, me qëllim të sigurimit të mbarëvajtjes së procesit zgjedhor.

Gjatë ditës, Prokurori i Shtetit ka pranuar disa informata të cilat, pas verifikimit dhe trajtimit, kanë rezultuar se pesë raste përmbanin elemente të veprave penale kundër të drejtave të votimit. Të gjitha rastet janë iniciuar, por të dyshuarit janë liruar në procedurë të rregullt me vendim të prokurorit.

Rastet janë regjistruar në këto lokalitete:

Ranillug – Gjilan, për veprën penale “Cenimi i përcaktimit të lirë të votuesve” (neni 210 i Kodit Penal të Kosovës);

Zhegër – Gjilan, për veprat penale “Pengim i procesit të votimit” dhe “Cenimi i fshehtësisë së votimit” (nenet 214 dhe 215);

Prizren, për veprën penale “Asgjësimi i dokumenteve të votimit” (neni 217);

Drenas, për veprën penale “Cenimi i fshehtësisë së votimit” (neni 215);

Suharekë, për veprën penale “Cenimi i fshehtësisë së votimit” (neni 215).

Prokurorët e shtetit do të vazhdojnë kujdestarinë edhe gjatë fazës së numërimit të votave në vendvotime dhe gjatë dërgimit të tyre në qendrat komunale të numërimit.

Në fund, Zyra e Kryeprokurorit të Shtetit ka falënderuar qytetarët, mediat dhe shoqërinë civile për bashkëpunimin e treguar, duke theksuar rëndësinë e parandalimit dhe ndjekjes efektive të veprave penale që lidhen me procesin zgjedhor.

Kryesuesi i Komisionit Qendror të Zgjedhjeve, Kreshnik Radoniqi, ka bërë të ditura të dhënat më të fundit lidhur me zgjedhjet parlamentare të mbajtura sot në Kosovë, duke theksuar se procesi zgjedhor ka kaluar në mënyrë të rregullt.

Sipas Radoniqit, nuk janë shënuar incidente serioze që do të mund të cenonin mbarëvajtjen e procesit, përveç disa rasteve të izoluara teknike. Ai njoftoi se janë raportuar tri ndërprerje të energjisë elektrike në qendra të votimit, të cilat kanë zgjatur nga pesë deri në dhjetë minuta.

“Bazuar në informacionet nga terreni, procesi zgjedhor është zhvilluar në mënyrë të rregullt. Nuk kemi evidentuar raste që do të ndikonin negativisht në procesin zgjedhor”, deklaroi Radoniqi.

Ai falënderoi institucionet e rendit për angazhimin e tyre, si dhe KEDS-in për bashkëpunimin gjatë ditës së votimit.

Sa i përket pjesëmarrjes, Radoniqi bëri të ditur se deri në orën 19:00, sipas të dhënave preliminare nga 98 për qind e vendvotimeve, kanë votuar gjithsej 819 mijë e 859 qytetarë, apo 44.56 për qind e elektoratit. Kjo shifër paraqet rritje të pjesëmarrjes krahasuar me zgjedhjet e 9 shkurtit, kur deri në të njëjtën orë kishin votuar 40.04 për qind, apo 789 mijë e 172 votues.

KQZ pritet të publikojë rezultatet e tjera zyrtare pas përfundimit të plotë të numërimit të votave.