Integrimi
Pajiset me Vizën C, pavarësisht borxheve ndaj shtetit
Ndryshe nga qëndrimi i Gjykatës Administrative të Kantonit të Cyrihut, Gjykata Federale mendon se pasja e një borxhi të tillë nuk është pengesë për pajisjen me vizën C, sepse këtu nuk bëhet fjalë për një shkelje të qëllimshme
Zyra e Migracionit e Kantonit të Cyrihut është e detyruar t`ia ndajë lejen e përhershme të qëndrimit (Vizën C) një shtetasi të Maqedonisë së Veriut. Kështu ka vendosur Gjykata Federale e Zvicrës me seli në Lozanë, përkundër faktit se personi në fjalë i ka borxh shtetit një shumë prej 80 mijë frangash, ndërsa instancat më të ulëta gjyqësore kishin vendosur të mos ia jepnin këtë status qëndrimi.
Gjykata Federale e ka arsyetuar vendimin e saj, duke shkruar se personi në fjalë prej pesë vjetësh kishte bërë përpjekje për të shlyer borxhet, transmeton albinfo.ch. Ndryshe nga qëndrimi i Gjykatës Administrative të Kantonit të Cyrihut, Gjykata Federale mendon se pasja e një borxhi të tillë nuk është pengesë për pajisjen me vizën C, sepse këtu nuk bëhet fjalë për një shkelje të qëllimshme të rendit juridik.
Personi në fjalë ksihte ushtruar ankesë në Gjykatën Federale kundër vendimit të Gjykatës Administrative të Cyrihut. Dhe, Gjykata Federale, si shkalla më e lartë e gjyqësisë, ka shkruar se ai nga viti 2013 deri në vitin 2018 kishte shlyer rreth 10.000 franga të borxhit prej 80 mijë frangash, përcjell albinfo.ch. Ndërkaq, në periudhën tetor 2018 – prill 2019 ai kishte shlyer edhe 10 mijë franga të tjera nga borxhi i përmendur.
Bazuar në të ardhurat e tij dhe të familjarëve, sipas gjyqtarëve të Lozanës, ka qenë e mundur një shlyerje më e shpejtë e borxhit. Por dështimi për ta bërë këtë nuk mund të konsiderohet si mosdashje e qëllimshme.
Gjykata Federale në vendimin e saj ka shtuar po ashtu se tri të katërtat e borxheve të personit në fjalë rridhnin nga një procedurë që kishte përfunduar 15 vjet më parë.
Gjykata Administrative kishte hedhur poshtë ankesën e shtetasit të Maqedonisë, me arsyetimin se shuma e tij mujore e ripagimit të borxhit që nga viti 2017 nuk ishte në përpjesëtim me gjendjen e tij financiare. Kështu që një shlyerje e plotë e borxhit nuk ishte e parashikueshme për një afat të gjatë, prandaj kjo përbën një kërcënim serioz për rendin publik. Ndërkaq, nëse ai bën përpjekje serioze për të paguar borxhin, dhënia e një leje qëndrimi të përhershëm në Zvicër (Viza C) do të duhej të rishikohej, transmeton albinfo.ch. Për shkak se personi në fjalë ndonëse nuk ka vizë C, posedon vizüen B (që duhet të përtëritet për çdo vit) qëndrimi i tij në Zvicër nuk rrezikohet dhe procedura është adekuate.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane