Lajme
Danimarka vaksinoi 80 për qind të popullatës
Largoi të gjitha masat
Pas Suedisë, edhe Danimarka largon shumë masa për banorët e saj, transmeton albinfo.ch.
Ky shtet ka shkallë të lartë të vaksinimit dhe kjo ia mundësoi Danimarkës për t’u bërë një ndër shtetet e para të Bashkimit Evropian për t’i larguar të gjitha masat kufizuese, 548 ditë pas fillimit të zbatimit të tyre me qëllim të kufizimit të përhapjes së virusit.
Kthimi në normalitet ka qenë gradual, por duke filluar nga e premtja, e ashtuquajtura pasaportë digjitale – dëshmi për vaksinim – nuk do të kërkohet më për të hyrë në klube nate, shkruan The Guardian, përcjell albinfo.ch.
Më shumë se 80 për qind e popullsisë mbi moshën 12-vjeçare në shtetin skandinav janë vaksinuar me të dyja dozat, prandaj qeveria daneze deklaroi se nuk e cilëson Covid-19-shin më si sëmundje kritike sociale.
“Nuk do të thosha që është shumë herët. E kemi hapur derën, por gjithashtu kemi thënë se mund ta mbyllim, nëse është e nevojshme”, tha Soren Riis Paludan, profesor i virologjisë në Universitetin Aarhus.
Që nga 14 gushti përdorimi i maskave në transportin publik nuk është më i detyrueshëm. Më 1 shtator u rihapën klubet e natës, u larguan kufizimet për tubime publike dhe u largua kërkesa për ta dëshmuar vaksinimin për të hyrë në restorante.
Sidoqoftë, përdorimi i maskave është ende i detyrueshëm në aeroporte dhe njerëzit këshillohen që ta përdorin atë edhe kur të shkojnë për t’u kontrolluar te mjeku, në qendra të testimeve dhe spitale.
Të ngjashme
Të tjera nga Lajme
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët