Lajme
Parizienët mirëpresin njoftimin e Macronit për lehtësimet
Parizienët mirëpritën të mërkurën lajmin se dyqanet do të rihapen në periudhën para Krishtlindjes, kur dhe do të lehtësohen kufizimet anti-COVID.
Të gjitha bizneset, me përjashtim të atyre që shesin mallra bazë, janë mbyllur për thuajse një muaj, por do të lejohen të rifillojnë nga puna nga e shtuna, edhe pse me kapacitete të reduktuara, shkruan euronews, përcjell Albinfo.ch.
“A është një strategji e mirë? Nuk e di. Mendoj se është e rëndësishme që secili prej nesh të mund t’i rikthehet jetës normale. Natyrisht është e mirë për dyqanet, edhe pse mendoj se jo të gjithë duheshin mbyllur, si libraritë apo floktoret”, shprehet Sandra, banore e Parisit.
Në qendër të Parisit, në një prej dyqaneve të zinxhirit të lodrave “JoueClub”, punonjësit po përgatisin porositë e bëra me internet, e vetmja formë tregtie e lejuar gjatë bllokadës, përpara se ta kthejnë vëmendjen tek tregtia tradicionale.
Një zëdhënës i kompanisë, që ka 300 dyqane në mbarë Francën dhe një xhiro prej 660 milionë eurosh, deklaroi se bllokada ka ndryshuar zakonet e blerjeve.
“Tregu i lodrave është sezonal. 50 për qind e shitjeve bëhen në muajt nëntor dhe dhjetor. Në të njëjtën periudhë regjistrohet dhe gjysma e shitjeve vjetore. Ndaj është shumë e rëndësishme”, thotë Franck Mathais.
Një ditë më parë, në një fjalim televiziv, presidenti Emanuel Macron deklaroi se Franca do të nisë lehtësimin e bllokadës duke filluar nga fundjava e ardhshme, edhe pse restorantet, baret dhe kafenetë do të qëndrojnë të mbyllura deri në Vitin e Ri.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën