Dëbohet kosovari pa ndonjë vështirësi

Në një deklaratë të lëshuar gjatë ditës së enjte, të cituar nga e përditshmja „Berner Zeitung“, autoritetet e Kantonit të Bernës bëjnë të ditur se dëbimi i një delikuenti kosovar është realizuar pa mdonjë incident, pas vuajtjes së dënimit me burg.

Gjatë vitit 2008, kosovari ishte dënuar me dy muaj burg për shkak të hyrje-daljeve pa leje të autorizuar në Zvicër, qëndrim ilegal, falsifikim të dokumenteve, shkelje të Ligjit në komuniakcion, për plaçkitje dhe mashtrime të ndryshme.

Më vonë, ai përsëri shfaqet në skenën ilegale, ndërsa hetohet nga policia në muajin shkurt të këtij viti. Për shkak të borxheve të shumtë, veprave të regjistruara penale në Regjistrin penal dhe shfrytëzimit shumëvjeçar të ndihmës sociale, Departamenti i migrimit i Kantonit të Bernës ia kishte anuluar vizën e tij të rregullt.