E-Diaspora
Dënohen me burg shqiptarët që i vunë zjarrin dhomës së azilit duke e filmuar
Kledi B. e kishte filmuar zjarrvënien me celularin e tij dhe ia kishte dërguar atë familjes në Shqipëri. Videoja pastaj qe përhapur shpejt në YouTube
Janë dënuar me burg dy shqiptarët që kishin vënë zjarr në një qendër refugjatësh në Bad Godesberg, Gjermani. Gelay B. (24 vjeç) është dënuar me katër vjet, ndërsa Kledi B. (26 vjeç) me tre vjet e gjysmë burg, shkruan Agjencia Gjermane e Lajmeve, DPA.
Në mesditën e 5 gushtit, Gelay B. kishte grumbulluar mobile dhe dyshekë mbi njëri-tjetrin në dhomën e të dyve dhe më pas i kishte ndezur. Dhoma qe djegur e tëra. Për fat të mirë, zjarri nuk u përhap në pjesët e tjera të ndërtesës, transmeton albinfo.ch. Departamenti i zjarrit ishte në gjendje ta shuante atë me kohë ndëra 250 banorë ishin evakuuar. Dëmi: rreth 120,000 euro.
Kledi B. e kishte filmuar zjarrvënien me celularin e tij dhe ia kishte dërguar atë familjes në Shqipëri. Videoja pastaj qe përhapur shpejt në YouTube.
“Ne jemi shqiptarë këtu në Gjermani. Mos mendoni se ne kemi nevojë për letrat tuaja. Për ne do të ishte më mirë të shkonim në Angli. Q… gjermanët dhe familjet e tyre”, thuhet në këtë video.
“Gjë tepër e pështirë”, janë shprehur gjykatësit, përcjell albinfo.ch. Është plotësisht e pakuptueshme se si njerëzit i vënë zjarrin dhomës ku janë strehuar…”.
Por, prapavija e zjarrvënies nuk ishte vetëm zhgënjimi për refuzimin e shpejtë të kërkesës së tyre për azil. Gelay B. ishte ndjerë i trajtuar padrejtësisht nga rojet e sigurimit për shkak të një telefonate me zë të lartë që kishte bërë me babanë e tij, para akomodimit. Ai ishte ankuar, nuk ndihej i marrë seriozisht. Atëherë ai, sipas gjykatës, kishte menduar për hakmarrje.
Ata të dy kanë pranuar fajin dhe kanë kërkuar faljen, transmeton albinfo.ch. Tani duhet të pritet që pasi të vuajnë gjysmën e dënimit, të depërtohen në Shqipëri.
Të ngjashme
Të tjera nga E-Diaspora
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër