Kosova
Deputetët kërkojnë të merren masat ligjore për ta parandaluar shfrytëzimin seksual
Kuvendi i Kosovës është mbledhur në një seancë të jashtëzakonshme lidhur me ngacmimin seksual, përdhunimin dhe kryerjen e abortit të paligjshëm ndaj të miturës nga Drenasi dhe përgjegjësinë institucionale. Deputetët kanë kërkuar të merren masat ligjore për ta parandaluar shfrytëzimin seksual.
Kryeparlamentari Kadri Veseli, ka përshëndetur përkrahësit e protestës së djeshme dhe të sotme. Ai falënderoi mësuesit, policët dhe mjekët kosovarë që bëjnë një punë të jashtëzakonshme, por për shkak të disa personave të papërgjegjshëm tha se të mos njollosen të gjithë qe ushtrojnë këto profesione të shenjta.
Deputeti i Partisë Socialdemokrate, Visar Ymeri, tha se duhet fokus më të madh në diskutimin rreth shëndetit, edukimit e sigurisë ku këto institucione janë pikërisht ku i përkasin autorët e këtij krimi. Deputeti i Aleancës për Ardhmërinë e Kosovës, Ahmet Isufi, tha se kriminelët që kryejnë vepra të tilla, duhet të marrin dënimin maksimal, ndërsa inkurajoi viktimat që të mos ndalen për të raportuar rastet ku preket morali i tyre.
Ndërsa, para seancës, kryeministri Haradinaj ka takuar ministrin e Punëve të Brendshme, Ekrem Mustafa, atë të Arsimit, Shyqiri Bytyqi, drejtorin e Përgjithshëm të Policisë, Rashit Qalaj, kryeshefen e Inspektoratit policor, Miradie Kelmendi, dhe kryeinspektorin e Arsimit, Dëfrim Gashi. Haradinaj, për rastin në Drenas, ka thënë se Prokuroria dhe gjykata duhet ta dëshmojnë fuqinë në zbatimin e ligjit. Për më shumë, linjën ia kalojmë gazetares Valmira Saraçi-Sahatçiu, e cila ndodhet në Kuvend.
Të ngjashme
Të tjera nga Kosova
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor