Lajme
Deputeti shqiptar i Suedisë shpëton jetën e një fëmije në Mal të Zi
Ishte pjesë e misionit vëzghues të Asamblesë Parlamentare të Këshillit të Evropës në ditën e zgjedhjeve presidenciale në Mal të Zi. Por deputeti shqiptar në Parlamentin e Suedisë, Adnan Dibrani, do të përmendet për një mision tjetër.
Teksa një foshnje po nxirrej nga lumi Moraça i ftohtë, ai ndihmoi ata të shpëtonin jetën e këtij fëmije.
Gazeta malaziase “Pobjeda” raporton se falë guximit, qetësisë, por edhe njohurive që ka si prind i tre fëmijëve të mitur, Adnani nxori ujin nga mushkëritë e foshnjës dhe praktikisht e “ringjalli”.
“Po e kaloja urën dhe shikova drejt ujit kur pashë një grua dhe një fëmijë që notonin në lumë. Disa djem të tjerë erdhën, zbritën në lumë dhe nxorën foshnjën nga uji. Ndërsa të tjerë thirrën një ambulancë. Vrapova drejt tyre dhe pashë që po mbanin në krahë foshnjën, e cila nuk kishte shenja jete. Meqenëse kam një fëmijë të vogël në shtëpi, e dija çfarë të bëja në situatë të tillë”, tha Adnani.
“E mora foshnjën prej tyre dhe u përpoqa të bëja atë që di, sa më mirë që mundem, e shtrëngova foshnjën, dhe ia nxora ujin nga mushkëritë. Kur e dëgjova të qartën e tij, nxitova te urgjenca dhe ia dorëzova foshnjën”, shtoi tutje Adnani.
Ai tregon se foshnja kishte qenë në lumë për disa minuta.
“Vetëm shpresoja që fëmija të fillonte të merrte frymë. Dhe kur dëgjova britmën e tij, më dha energji shtesë për t’ia dalë mbanë që ta shpëtoj”, tha Adnani. “Do të përqafoj fëmijët e mi, dhe në mendjen time shpresoj që foshnja së shpejti të jetë sërish e shëndetshme me prindërit e tij”.
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane