Zhvillim
Deri tash, vetëm 837 viza pune për 6 vendet e Ballkanit!
Vetëm nga fillimi i janarit e deri në fund të shkurtit janë ndarë 2932 pajtime për punë (nga punëdhënësit gjermanë) në bazë të të cilave janë bërë kërkesat për viza
Hapja e tregut gjerman të punës për migrantët nga Ballkani Perëndimor, për çfarë Qeveria Federale pati vendosur nga fundi i vitit të kaluar, po ecën me hapa të ngadaltë. Brenda tre muajve, nga fillimi i dhjetorit të vitit të kaluar e deri në fund të shkurtit të këtij viti, autoritetet gjermane kanë ndarë gjithsej 837 viza pune për qytetarët e gjashtë vendeve të Ballkanit Perëndimor, marrin vesh mediet gjermane nga Ministria Federale e Punës.
Ndërkohë, interesimi i njerëzve në vendet e përmendura por edhe interesimi i punëdhënësve gjermanë për ta, është dukshëm më i madh, transmeton albinfo.ch. Sipas Agjencisë Federale të Punës, vetëm nga fillimi i janarit e deri në fund të shkurtit janë ndarë 2932 pajtime për punë (nga punëdhënësit gjermanë) në bazë të të cilave janë bërë kërkesat për viza.
Hapjen e tregut të punës për Ballkanin Perëndimor, qeveria gjermane e kishte vendosur në tetor të vitit të kaluar si pasojë e ashpërsimit të të drejtës së azilit. Bëhet fjalë për kohën kur edhe Shqipëria, Kosova dhe Mali i Zi qenë shpallur vende të sigurta të prejardhjes. Para tyre këtë status e kishin marrë edhe Serbia, Bosnja dhe Maqedonia, përcjell albinfo.ch. Dhe si kompensim për këtë kufizim të të drejtës së azilit, mendohej t`u dilej në ndihmë gjashtë vendeve të përmendura duke u mundësuar migrim legal, pavarësisht nga kualifikimet e tyre.
Por, si kusht për një leje të shkuarjes në Gjermani për të punuar është pasja e një marrëveshjeje konkrete pune ose kualfikimi me kushtet gjermane të pagesës dhe një leje nga Agjencia Federale e Punës.
Ministrja federale e punës, Andrea Nahles (nga SPD) fllimisht kishte deklaruar se brenda vitit do të mundësohej ardhja me viza pune e rreth 20 mijë qytetarëve nga Ballkani Perëndimor.
Ndërsa federata e punëdhënësve e Gjermanisë kishte pasur që nga fillimi vërejtje ndaj gjithë kësaj iniciative të ardhur nga qeveria. Sipas saj, një hapje e tillë nuk përkonte me nevojat e tregut të punës në Gjermani dhe më realiste do të ishte të përgatiteshin për tregun e punës azilkërkuesit me gjasa më të mëdha për të mbetur në Gjerman.
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër