Lajme

Gruaja do të bëjë selfie në kështjellë: bie 10 metra poshtë dhe mbijeton falë fatit

Fotografja e aksidentuar ishte në gjendje të zbriste vetë nga pema dhe pastaj është dërguar në spital. Rasti nuk do të ketë pasoja ligjore për të

Duke dashur të bënte një selfie në kështjellën e njohur Munot në Schaffhausen, një grua vuri jetën e saj në rrezik. Ajo është ngjitur në parapet dhe ka humbur drejtpeshimin, raporton sda. Një degë peme në hendek i ka shpëtuar jetën.

Sidoqoftë, rrëzimi i saj ka mundur të përfundojë me fatalitet. Lartësia nga e cila ka rënë, pra kulmi i kështjellës, ka qenë dhjetë metra. “Gruaja ishte shumë me fat,” citohet një kujdestare e kështjellës Munot nga gazeta “Schaffhauser Nachrichten”, transmeton albinfo.ch. “Ajo është ngjitur fort pas pemës”.

Fotografja e aksidentuar më në fund ishte në gjendje të zbriste vetë nga pema dhe pastaj është dërguar në spital. Rasti nuk do të ketë pasoja ligjore për të.

Këshilli i qytetit Schaffhausen tashmë kishte vendosur në pranverë të vitit 2020 të rishikonte masat e sigurisë në kështjellën Munot, përcjell albinfo.ch. Incidenti i cili ka ndodhur në fund të qershorit, do të merret parasysh në këtë kuadër.