Lajme
Donacion nga Zvicra për spitalin e Strugës
Bëhet fjalë për krevate të automatizuara, karroca, si dhe batanije dhe pajisje të tjera, që kanë qenë të dobishme për Spitalin e Nefrologjisë.
Donacioni për Spitalin e Nefrologjisë ka ardhur nga Zvicra me ndërmjetësimin e Burim Memetit, shkruan gazeta “KOHA” në Shkup. Lajmin e ka konfirmuar edhe Asim Musa, drejtor i Spitalit të Nefrologjisë, i cila ka thënë të ketë qenë i dobishëm për institucionin shëndetësor.
“Donacioni i fundit i ardhur nga Burim Memeti ka qenë shumë i nevojshëm, por edhe i mirëseardhur, sepse vjen nga një donator që edhe në të kaluarën ka ndihmuar Spitalin e Nefrologjisë”, tregon Asim Musa, përcjell albinfo.ch.
Spitali i Nefrologjisë në Strugë është një nga institucionet e rralla, në mos të vetmet në Maqedoni, që konkurron në mënyrë dinjitoze me spitalet më në zë në rajon, që në fokus kanë të sëmurët nga veshkat, por prej vitesh nuk ka parë asnjë investim në funksion të përmirësimit të kushteve. Spitali është ndërtuar në vitin 1984 dhe që nga ai vit ka njohur disa ndërhyrje të parëndësishme në funksion të zgjerimit të kapaciteteve akomoduese të të sëmurëve nga veshkat. Aktualisht në këtë institucion spitalor janë të punësuar rreth 180 persona, nga të cilët më shumë se 30 të punësuar janë mjekë specialistë, internistë, urologë dhe personel tjetër. Nga spitali në disa raste kanë kërkuar që t’u kthehet ambulanca për dializë, pasi në vitin 2013 ajo pjesë ishte dhënë në koncesion. Për çdo vit në këtë spital kalojnë disa mijëra pacientë, dhe realizohen 10 mijë dializa.
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla