Kuriozitete

Dubai, veturat lukzose përfundojnë në mbeturina

Dubai ndoshta ka më së shumti mbeturina në botë të automjeteve luksoze të shkatërruara , të braktisura apo të konfiskuara.

Duke pasur parasysh se rrugët e këtij qyteti të Lindjes së Mesme tregojnë një numër të jashtëzakonshëm të super veturave sportive dhe modeleve luksoze, nuk është për t’u habitur që një situatë e tillë reflektohet në mbeturinat e veturave lokale, shkruan albinfo.ch.

Një pamje e rrallë ku shihen pranë njëri-tjetrit Rolls-Royce Wraith, Lamborghini Gallardo, Mercedes-AMG GT S, Ferrari California T, Bentley Bentayga dhe Mercedes-AMG G63, por është një kuriozitet i veçantë kur automjete të tilla gjenden në mbeturina makinash.

Ndërsa disa prej këtyre makinave të shtrenjta janë shlyer, sepse janë dëmtuar rëndë, të tjerat duken të paprekura, prandaj supozohet se ato janë konfiskuar ose për ndonjë arsye janë braktisur nga pronarët e tyre./albinfo.ch