Kosova

Dy të vdekur dhe katër të lënduar në një aksident në komunën e Bujanocit

Personave të lënduar menjëherë u është dhënë ndihma e parë në Bujanoc dhe më pas janë transportuar për në Spitalin e Vranjës

Si pasojë e një aksidenti që ka ndodhur në orët e pasditës së sotme në rrugën Lluçan-Dobrosin, komuna e Bujanocit, dy të mitur kanë humbur jetën në vendin e ngjarjes.

Në këtë aksident kanë mbetur të lënduar edhe 4 persona të tjerë, dy prej tyre rëndë, shkruan LajmiAL. Lajmin për portalin e ka konfimruar mjeku kujdestar nga ndihma e shpejtë në Bujanoc, Dejan Stojanoviç.

Sipas tij, personave të lënduar menjëherë u është dhënë ndihma e parë në Bujanoc dhe më pas janë transportuar për në Spitalin e Vranjës.

Aksidenti ka ndodhur kur automjeti e ka humbur kontrollin dhe ka rënë disa metra nën rrugë.

Të gjithë personat që gjendeshin në veturë janë nga fshati Lluçan.