Bota

Dy turistë vdesin pas shpërthimit të bombës afër piramidave në Egjipt

E premte, 28 Dhjetor 2018 - 22:00 albinfo.ch

Nga shpërthimi i një bombe afër piramidave në Egjipt, humbën jetën dy turistë vietnamezë dhe 12 të tjerë u plagosën, njoftoi ministria e Brendshme e Egjiptit.

Turistët po udhëtonin me autobus në momentin kur shpërtheu bomba e montuar në skajin e rrugës.

Ky është sulmi i parë që shënjestroi turistët në dy vitet e fundit. Egjipti po i lufton grupet militante islamike tash e sa vite, raporton REL, përcjell Albinfo.ch.

Sulmi ndodh pasi industria e turizmit të Egjiptit tregon shenja të rimëkëmbjes pas disa vitesh për shkak të trazirave politike dhe dhunës që pasuan kryengritjen në 2011 që rrëzuan ish-udhëheqësin, Hosni Mubarak.

 Të ngjashme

TeleZüri, në Kosovë: gjurmëve të pushuesve kosovarë nga Zvicra

 Të tjera nga Bota

SHBA urdhëron pezullimin e ndihmës ndërkombëtare, si ndikohet Kosova?

 E-Diaspora

 Jeta në Zvicër