Lajme

Dy viktimat e sotme në Kosovë, kishin edhe probleme të tjera shëndetësore

Është bërë e ditur se një burrë 59-vjeçar dhe një grua 70-vjeçare janë dy viktimat e fundit në Kosovë, të cilët kanë ndërruar jetë gjatë 24-orëve të fundit si pasojë e koronavirusit, duke e çuar kështu në tre numrin e përgjithshëm të personave të prekur me Covid 19 në Kosovë.

Sipas informacioneve, thuhet se rreth orës 03:00 raportohet se ka përfunduar me vdekje pacienti i gjinisë mashkull S. N., 1961, Prishtinë, i cili është pranuar në Mjekimin Intensiv të Klinikës Infektive me datën 04. 04. 2020 transfer nga Qendra Emergjente e QKUK-së dhe ka qenë me sëmundje shoqëruese (Diabetes Mellitus tip 2. Sy hepatorenale). Pacienti është pranuar në Klinikën Infektive në gjendje të rëndë.

Ndërkohë në orën 07:10 ka përfunduar me vdekje pacientja e gjinisë femer, N. R., 1950, ga fshati Korishë, Prizren, e cila është pranuar po ashtu në Mjekimin Intenziv të Klinikës Infektive me datën 02. 04.2020 dhe ka pasur sëmundje shoqëruese (Diabetes Mellitus, Nephropathia diabetica, Hypertensio arterialis dhe Cardimyopathia chronica).

Ndërkohë javë më parë ka ndërruar jetë edhe një pacient tjetër kosovar i infektuar me Covid 19, nga rajoni i Podujevës.

Ndërkohë që nga muaji shkurt e deri më sot zyrtarisht janë të infektuar 145 persona. Nga ta janë shëruar 23, ndërkohë që të vdekur janë gjithsej 3 persona, përcjell albinfo.ch.