E konfirmon ministri Hoti: Ndihmat sociale rriten për 25%

Në Ditën Botërore të Varfërisë, Qeveria e Kosovës vendosi që 25 mijë familjet me asistencë sociale të kenë rritje për 25%. Kjo rritje do të bëhet në bazë të anëtarëve në familje

Lajmi i dhënë më parë në një intervistë në Zëri nga ministri i Punës dhe Mirëqenies Sociale, Arban Abrashi për rritjen e ndihmave sociale është konfirmuar edhe zyrtarisht. Ministri i Financave, Avdullah Hoti dhe Ministri i Punës dhe Mirëqenies Sociale, Arban Abrashi, në një konferencë për media kanë treguar se 25 mijë familje do të kenë rritje të asistencës sociale për 25%. Vendimi pritet të zbatohet nga muaji nëntor.
Në Ditën Botërore të Varfërisë, Qeveria e Kosovës vendosi që 25 mijë familjet me asistencë sociale të kenë rritje për 25%. Kjo rritje do të bëhet në bazë të anëtarëve në familje.
“Disa familje nga politikat aktive dhe programet e punësimit ndikuan që te kemi rritje. Vendimi te zbatohet nga muaji nëntor. Familjet me më shumë anëtarë do të marrin më shumë rritje. Është rritje proporcionale me çdo kategori, duke u bazuar në numrin e anëtarëve”, ka thënë Ministri Abrashi, transmeton Express.
Kurse për Ministrin e Financave, Avdullah Hoti, kjo rritje është e nevojshme dhe është bërë në bazë të politikave aktive qysh nga marrja e mandatit, në muajin shkurt. Ministri Hoti tha se me rritjen prej 25%, asistenca nga 75 euro tani do të beht 95 euro.
“2800 familje tani janë më pak që marrin asistencë sociale dhe kjo falë politikave aktive dhe programit të punësimit nga Ministri e Punës dhe Mirëqenies Sociale”, vazhdoi Ministri Hoti.
Kurse sa i përket pensioneve, Ministri Abrashi tha se shumë shpejt do të japin detaje për rritjen e tyre. “… do të dalim në një konferencë për dy tri javë që do të ketë frymë pozitive sikurse kjo e fundit”, ka thënë Abrashi.
Ministri i MPQS, Abran Abrashi, tre muaj më parë kishte thënë për Express, se rreth 30 mijë familje që janë me asistencë sociale në Kosovë, nga muaji gusht, pagesat do t’i marrin me rritje. Kjo për shkak se Ministria e Punës dhe Mirëqenies Sociale ka kursyer 2 milionë euro për gjashtë muajt e parë të këtij viti duke ua ndaluar këtë ndihme atyre që nuk i kanë plotësuar kriteret ligjore.