Edhe Ford tërheq 2 milionë vetura nga tregu

Sipas zyrtarëve të kompanisë, modeli më i prekur do të jetë F-150, që ka edhe më së shumti shitje në SHBA

Kompanitë e madhe të automobilave për shkaqe të ndryshme po tërheqin vetura nga tregu, derisa arsyet janë të ndryshme.

Së fundi, kompania amerikane “Ford” ka njoftuar se do të tërheq dy milionë vetura nga Amerika e Veriut, përcjell albinfo.ch.

E gjithë kjo është për shkak të një defekti në rripat e sigurimit në ulëset e para, që mund të shkaktojë zjarr.

Sipas zyrtarëve të kompanisë, modeli më i prekur do të jetë F-150, që ka edhe më së shumti shitje në SHBA.

Sipas mediave ndërkombëtare, si shkas për këtë veprim është bërë paraqitje e 17 rasteve në SHBA dhe 6 në Kanada, ku ka pasur zjarr ose tym të nisura nga rripi i sigurimit, edhe pse nuk ka pasur të lënduar.

Rripi i sigurimit të shoferit dhe pasagjerit mund të shkaktonin shumë shkëndija, dhe këto shkëndija mund të ndezin gazin që ndodhet në sistem dhe si përfundim të shkaktojnë një zjarr.

---